Ferill 580. máls. Aðrar útgáfur af skjalinu: PDF - Word Perfect.
148. löggjafarþing 2017–2018.
Þingskjal 1167 — 580. mál.
Svar
félags- og jafnréttismálaráðherra við fyrirspurn frá Steinunni Þóru Árnadóttur um fjölda lífeyrisþega sem fá skertar greiðslur vegna búsetu erlendis.
1. Hversu margir lífeyrisþegar fengu á árunum 2010–2017 skertar almannatryggingagreiðslur vegna fyrri búsetu erlendis? Svar óskast sundurliðað eftir árum og hópum lífeyrisþega (elli-, örorku- og endurhæfingarlífeyrisþega). Óskað er eftir heildarfjölda lífeyrisþega sem fá skertar greiðslur vegna búsetu erlendis og eftir því hvort þeir eru búsettir á Íslandi eða erlendis.
Í töflu 1 má sjá fjölda lífeyrisþega á Íslandi í nóvember 2010–2017 sem ekki fengu fullar greiðslur frá almannatryggingum vegna fyrri búsetu erlendis. Enn fremur kemur fram hvort lífeyrisþegar séu búsettir erlendis eða hér á landi.
Hér er efni sem sést aðeins í pdf-skjalinu.
2. Hversu margir þessara lífeyrisþega höfðu fyrir flutning til Íslands verið búsettir í ríkjum a) utan EES, b) innan EES og c) þar af á Norðurlöndunum? Svar óskast sundurliðað eftir árum og hópum lífeyrisþega. Óskað er eftir heildarfjölda lífeyrisþega sem þetta gildir um, annars vegar fjölda sem búsettur er á Íslandi og hins vegar erlendis.
Í töflu 2 kemur fram hversu margir lífeyrisþegar sem búsettir voru á Íslandi og fengu ekki fullar greiðslur frá almannatryggingum vegna fyrri búsetu erlendis voru búsettir í ríkjum a) utan EES-svæðisins, b) innan EES-svæðisins og c) þar af á Norðurlöndunum fyrir flutning til Íslands. Miðað er við nóvember 2010-2017. Í nokkrum tilvikum var um að ræða einstaklinga sem bæði höfðu verið búsettir í ríkjum innan og utan EES-svæðisins fyrir flutning til Íslands.
Hér er efni sem sést aðeins í pdf-skjalinu.
3. Hversu margir þessara lífeyrisþega fá engar lífeyrisgreiðslur frá almannatryggingum í fyrra búsetulandi? Svar óskast sundurliðað eftir árum og hópum lífeyrisþega og einnig komi fram hvort milliríkjasamningur er í gildi milli Íslands og fyrra búsetulands.
Tafla 3 sýnir fjölda lífeyrisþega sem fá ekki fullar greiðslur almannatrygginga vegna fyrri búsetu erlendis og fá engar greiðslur frá almannatryggingum í fyrra búsetulandi. Einnig koma fram upplýsingar um hvort milliríkjasamningur sé í gildi milli Íslands og fyrra búsetulands.
Hér er efni sem sést aðeins í pdf-skjalinu.
4. Hversu margir lífeyrisþegar, sem hafa búið á Norðurlöndum, hafa fengið synjun um örorkulífeyri frá fyrra búsetulandi? Svar óskast sundurliðað eftir árum og hópum lífeyrisþega.
Samkvæmt upplýsingum frá Tryggingastofnun ríkisins yrði mjög tímafrekt að taka saman svar við þessum tölulið fyrirspurnarinnar þar sem skoða þyrfti handvirkt upplýsingar um hvern og einn lífeyrisþega.
5. Hversu margir lífeyrisþegar skv. 1. tölul. féllu í eftirtalda tekjuflokka á árunum 2010– 2017 (skattskyldar tekjur í nóvember ár hvert) sem miðast við allar skattskyldar tekjur:
0–79.999 kr.,
80.000–99.999 kr.,
100.000–129.999 kr.,
130.000–149.999 kr.,
150.000–169.999 kr.,
170.000–189.999 kr.,
190.000–209.999 kr.,
210.000 kr. eða hærri? Svar óskast sundurliðað eftir árum og hópum lífeyrisþega.
Í töflu 4 sést hversu margir lífeyrisþegar féllu í umrædda tekjuflokka. Miðað er við skattskyldar tekjur að meðtöldum skattskyldum bótum almannatrygginga í nóvember ár hvert.
Hér er efni sem sést aðeins í pdf-skjalinu.
6. Hversu margir lífeyrisþegar voru með heildartekjur undir framfærsluviðmiði án heimilisuppbótar skv. 2. mgr. 9. gr. laga um félagslega aðstoð, nr. 99/2007, þ.e.:
undir 174.946 kr. árið 2012,
undir 181.769 kr. árið 2013,
undir 188.313 kr. árið 2014,
undir 193.962 kr. árið 2015,
undir 212.776 kr. árið 2016,
undir 227.883 kr. árið 2017? Svar óskast sundurliðað eftir árum og hópum lífeyrisþega.
Hér er efni sem sést aðeins í pdf-skjalinu.
Í töflu 5 koma fram upplýsingar um hve margir lífeyrisþegar voru með heildartekjur undir framfærsluviðmiði án heimilisuppbótar skv. 2. mgr. 9. gr. laga um félagslega aðstoð, nr. 99/2007, í nóvember 2010-2017. Miðað er við skattskyldar tekjur að meðtöldum skattskyldum bótum almannatrygginga í nóvember ár hvert.
